૩૦૦ વર્ષ પહેલાંનું પહેરી શકાય તેવું કમ્પ્યૂટર

FF Post :- 21

          આજે માર્કેટમાં પહેરી શકાય તેવાં ગેજેટ્સ અને ટેકનોલોજીનો ક્રેઝ છે પણ આ પ્રકારનાં ડિવાઇસની શોધ ૩૦૦ વર્ષ પહેલાં ચીનમાં જ થઇ ગઇ હતી. ચીનમાં ૩૦૦ વર્ષ પહેલાં જેને કમ્પ્યૂટર તરીકે ઓળખવામાં આવતું હતું, તેનો ઉપયોગ ગણતરી માટે થતો હતો અને તેને વીંટીના આકારમાં બનાવવામાં આવ્યું હતું.

          આ વીંટીમાં મણકા ફિટ કરવામાં આવ્યા છે જેનો ઉપયોગ તે સમયે વેપારીઓ હિસાબ-કિતાબ માટે કરતા હતા. ૧.૨ સેમી લાંબી અને ૦.૭ સેમી પહોંળી આ વીટી આજે પણ કામ કરી શકે છે, જાણે કે કોઇ કમ્પ્યુટર હોય. આ વીટીનો ઉપયોગ ૧૬૪૪ દરમિયાન કરવામાં આવતો હતો, જોકે બાદમાં માર્કેટમાં ઇલેક્ટ્રોનિક ગેજેટ્સ આવતા તેનો ઉપયોગ ઘટી ગયો.

સમગ્ર વિશ્વને WIFI થકી ફ્રી ઈન્ટરનેટ સેવા અપાશે

FF Post :- 20

- અમેરિકાની એક કંપની દ્વારા પહેલ કરાઈ

- ઈન્ટરનેટથી વંચિત વિશ્વના 40% લોકો માટે વરદાન રૂપ

           છેલ્લા કેટલાય વર્ષોથી ટેકનોલોજી ક્ષેત્રે થયેલ શોધોએ દુનિયાને અતિ આધુનિક બનાવી દીધી છે. એક સમયે અશક્ય લાગતી ઘટના હવે 21મી સદીના માણસ માટે સામાન્ય બની ગઈ છે. થોડા દિવસ અગાઉના એક અહેવાલ મુજબ અમેરિકાની એક કંપની આખા વિશ્વને ફ્રી WIFI આપવાની યોજના  બનાવી રહી છે. આ ઉપરાંત અહેવાલમાં એ પણ સ્પષ્ટ કરાયું હતું કે કંપનીની ફ્રી WIFI સેવા પાછળનો મુખ્ય હેતુ ઈન્ટરનેટથી વંચિત લોકોને ફ્રી ઈન્ટરનેટ ઉપલબ્ધ કરાવવાનો છે.

     હાલમાં વિશ્વના હજુ 40% લોકો ઈન્ટરનેટથી વંચિત છે જેનું કારણ એ છે કે ઈન્ટરનેટ ટેકનોલોજી વિશ્વના અમુક અંતરિયાળ સ્થળો સુધી સરળતાથી નથી પહોચાડી શકાતી. આ સમસ્યાને દુર કરવા હવે સેટેલાઈટ દ્વારા જ ફ્રી WIFI સુવિધા ઉપલબ્ધ કરાવવાની પહેલ કરવામાં આવી છે.

Jaydip Lila 

Music Beta

FF Post :- 19

        એન્ડ્રોઇડ પ્લેટફોર્મવાળા ડિવાઇસમાં મ્યુઝિક બિટા પોપ્યુલર એપ છે,પરંતુ હાલમાં ખાલી તે યુએસમાં અવેલેબલ છે. મ્યુઝિક બિટા માટે ગૂગલે ક્લાઉડ મ્યુઝિક સર્વિસ શરૂ કરી છે. જો તમે આ એક્સક્લૂઝિવ ક્લબના મેમ્બર બની જશો તો આ એપ દ્વારા તમે મનપસંદ મ્યુઝિક સીધા તમારા સ્માર્ટફોનમાં અપલોડ કરી શકો છો. જો ક્લાઉડ મ્યુઝિકની ફેસિલિટી અવેલેબલ ન હોય તો આ એપ્લિકેશન નોર્મલ મ્યુઝિકસ પ્લેયર તરીકે કામ કરશે. મ્યુઝિક બિટાને કારણે તમે મોબાઇલમાં પણ ડેસ્કટોપ જેવો વ્યૂ જોઇ શકશો.

        તે સિવાય મ્યુઝિક બિટામાં કવર ફ્લો જેવું ફીચર છે જેની મદદથી તમારાં આલ્બમ ઓપ્શન પર ડાયરેક્ટ જઇ શકો છો. આ સિવાય તેમાં અન્ય ઓપ્શન પણ છે જેમકે ઇન્સન્ટ મિક્સ, પ્લેલિસ્ટ ક્રિએશન અને ર્સિંચગ. આ એપ્લિકેશન તમારાં ૩-જી ડેટા પ્લાન પર ચાલશે તેથી ૩-જીને બદલે તમે વાઇ-ફાઇ કનેક્ટિવિટી દ્વારા એપ યૂઝ કરી શકો છો. મ્યુઝિક બિટા સિવાય અત્યારે માર્કેટમાં અન્ય મ્યુઝિક એપ પણ ઉપલબ્ધ છે. તેમ છતાં તેના ડાઉનલોડ ચાર્જિસ અને અન્ય સર્વિસ જોતાં મ્યુઝિક બિટા એકદમ બેસ્ટ ઓપ્શન સાબિત થશે.

Jaydip Lila 

TimeRabbit (ફેસબુક યૂઝેજનું મોનિટરિંગ કરતું સોફ્ટવેટ)

FF Post :- 18

ફેસબુકમાં લોગઇન કર્યા પછી કેટલાંય કલાકો ક્યાં વીતી જાય તેની ખબર જ નથી પડતી. ફ્રેન્ડ્સની પોસ્ટને વાંચવામાં, સ્ટેટસ અપલોડ કરવામાં, કમેન્ટ લાઇક અને શેર કરવામાં તમે દિવસમાં, સપ્તાહમાં અને મહિનામાં કેટલો સમય પસાર કરો છો તે જાણવાની ઇચ્છા થાય તો તે માટે એક ર્સિવસની મદદ લઇ શકો છો. બ્રેકપોઇન્ટ સોફ્ટવેર ડેવલપમેન્ટ દ્વારા તૈયાર કરવામાં આવેલ 'ટાઇમરેબિટ' દ્વારા ફેસબુક પર તમે કેટલો ટાઇમ સ્પેન્ડ કરી રહ્યા છો તે આસાનીથી જાણી શકશો.

માત્ર વિન્ડોઝ પ્લેટફોર્મ પણ કામ કરતી આ એપ્લિકેશન તમારા ફેસબુક યૂઝેજનું મોનિટરિંગ કરે છે, આ એપ્લિકેશન પ્રમાણે એવરેજ યૂઝર ફેસબુક પર મહિનાના સરેરાશ ૭ કલાક વીતાવે છે. 'ટાઇમરેબિટ' એપ્લિકેશનમાં એવા પણ અન્ય પ્લગઇન્સ છે, જે તમારી ઓનલાઇન હેબિટ્સની સ્ટડી કરે છે. 'ટાઇમરેબિટ'ને તમે ડેસ્કટોપ પર સ્ટોર કરી શકો છો અને તે મોટાભાગના દરેક ઇન્ટરનેટ બ્રાઉઝર્સ સાથે કોમ્પિટિબલ છે. જ્યારે તમે ફેસબુકમાં લોગ ઇન કરો છો ત્યારે તે એપ્લિકેશન ઓટોમેટિક સ્ટાર્ટ થઇ જાય છે, તમે ફેસબુક પરથી બીજી સાઇટ પર પણ જાઓ તેનું પણ ટાઇમરેબિટ ધ્યાન રાખે છે.

Jaydip Lila 

ટૂંક સમયમાં શરૂ થશે ભારતમાં 5G સેવા, ફિલ્મ ડાઉનલોડ થશે સેકંડોમાં

FF Post :- 17

આધુનિક ટેકનોલોજીનાં સમયમાં ફાસ્ટર બનશે 5G સેવા, ડાઉનલોડ થશે ફાઇલો ફટાફટ અને ઉત્તમ રીતે.

          આજનાં ટેકનોલોજીનાં યુગમાં અદ્યતન ટેકનોલોજી સાથે 5G સેવા ટૂંક જ સમયમાં લોન્ચ કરવામાં આવશે. ભારતમાં 3G સેવાનો દબદબો છે અને 4Gથી રૂબરૂ થઈ રહ્યા છીએ ત્યારે ભારતમાં આગામી થોડા મહિનાઓમાં જ 5G ટેક્નિક લોન્ચ થનારી છે. મહત્ત્વપૂર્ણ છે કે 5G મોબાઈલ ફોન 800 એમબી સુધીની ફાઈલ માત્ર એક સેંકડમાં જ ડાઉનલોડ કરી શકાશે.

          ઉલ્લેખનીય છે કે વર્તમાનમાં 4G સેવામાં આટલી એમબીની ફાઈલને અપલોડ કરવામાં 40 સેકંડનો સમય લાગે છે એટલેકે 5G ટેક્નિક 40 ગણી ઝડપે કામ કરશે. તેનો સીધો જ અર્થ એવો છે કે આ ટેક્નિક આવવાથી કોઈપણ ફિલ્મ ડાઉનલોજ કરવામાં માત્ર બે સેંકડ જેટલો જ સમય લાગશે. સામાન્ય રીતે હિન્દી ફિલ્મો 1500 એમબીની હોય છે, જેને ડાઉનલોડ કરવામાં 3G યૂઝર્સને 80 સેંકડનો સમય લાગે છે.

          વધુમાં આ ટેક્નિકની જાણકારી આપતા યૂરોપિયન ટેલિકોમ્યુનિકેશન્સ સ્ટાન્ડર્ડ ઈન્સ્ટિટ્યૂટના ડીજી લૂઈસ જોર્જ રોમેરોએ ઉમેર્યુ હતું કે, તેની સંસ્થાએ વિશ્વને GSM સેવા આપી છે. સંસ્થા હવે,ભારતમાં 5G સેવા લાવવાના પ્રયાસમાં લાગ્યા છીએ.

Jaydip Lila 

India Election Tracker (ફેસબૂકે લોન્ચ કર્યુ).

FF Post :- 16

- Usersને ઉમેદવારોની અપડેટની જાણકારી મળશે

- ફેસબૂક પણ લોકસભાની ચૂંટણીને અવગણી શકે તેમ નથી

      સોશ્યલ નેટવર્કિંગ સાઈટ્સ ફેસબૂક માટે પણ ભારતના ઈલેક્શન ઘણુ મહત્વ રાખે છે.ફેસબૂકે લોકસભાની ચૂંટણી માટે ઈન્ડિયા ઈલેક્શન ટ્રેકર લોન્ચ કર્યુ છે.જે ફેસબૂક યુઝર્સને તેમના ઉમેદવારની હિલચાલથી માહિતગાર રાખશે.

          લોકસભાની ચૂંટણીની તારીખો જાહેર થઈ ગઈ છે ત્યારે લોકસભાની ચૂંટણીની સોશ્યલ સાઈટ્સ પર પણ એટલી જ ચર્ચાઓ થતી હોવાથી ફેસબૂકે નવી સુવિધા આપી છે.તેના પર ચુંટણીની ચર્ચાઓ અને હિલચાલની લાઈવ જાણકારી મળી શકશે.ભારતમાં ફેસબૂક પર દર મહિને 9 કરોડ જેટલા લોકો સર્ફિંગ કરતા હોય છે.તેવા સંજોગોમાં ફેસબૂક પણ લોકસભાની ચૂંટણીને અવગણના કરવા માંગતુ નથી.

        આ પહેલા ફેસબૂક લાઈવ ટોક્સની શરુઆત કરી ચુક્યુ છે.જેમાં મતદારોને વિવિધ રાજકીય પક્ષોના કેટલાક નેતાઓ સાથે લાઈવ ચેટીંગ કરવાનો મોકો મળશે.

Jaydip Lila 

Ear Computer (કાનમાં પહેરી શકાય તેવુ કોમ્પ્યુટર).

FF Post :- 15

જાપાનીઝ સંશોધકો 2015 ક્રીસમસમાં કોમ્પ્યુટરને લોન્ચ કરશે.

17 ગ્રામ વજનનુ કોમ્પ્યુટર આંખના પલકારાથી ઓપરેટ કરી શકાશે.

          જાપાનીઝ સંશોધકો કાનમં પહેરી શકાય તેવુ સાવ ટચૂકડુ કોમ્પ્યુટર વિકસાવી રહ્યા છે.આ સંશોધન કદાચ આગામી વર્ષોમાં કોમ્પુયટરની દુનિયા બદલી નાંખશે.

          કાનમં પહેરી શકાય તેવા આ કોમ્પ્યુટરનુ વજન હશે માત્ર 17 ગ્રામ અને તે આંખના પલકારા અને જીભનો ચટકારો લઈને પણ કન્ટ્રોલ કરી શકાશે.કોમ્પ્યુટર ટેકનોલોજીમાં ગૂગલ ગ્લાસને લઈને ખાસી ઉત્સુકતા છે ત્યારે આ કોમ્પ્યુટર પણ તેના જેવી ઉત્સુકતા જગાવી શકે છે.

          જાપાનીઝ કોમ્પ્યુટર એન્જીનીયર્સ કોમ્પ્યુટરમાં માઈક્રોચીપ મુકવામાં માંગે છે.હીરોશીમા સીટી યુનિવર્સીટીના સંશોધકો કહે છે કે તેમાં સોફ્ટવેર પણ અપલોડ કરી શકાશે.આ કોમ્પ્યુટરને જીપીએસ અને બ્લુટુથ વડે હાથમાં લહેલા આઈપોડ કે બીજા કોઈ ટેબ્લેટ સાથે કનેક્ટ કરી શકાશે.એ બાદ ઉપયોગ કરનાર વ્યક્તિ પોતાના ચહેરાના હાવભાવથી કોમ્પ્યુટરના સોફ્ટવેરનો પોતાના હાથમાં રહેલા ગેઝેટમાં ઉપયોગ કરી શકશે.

જાપાન આ કોમ્પ્યુટરને 2015ના ક્રિસમસ તહેવારો વખતે માર્કેટમાં મુકવા માંગે છે.

Jaydip Lila